-- ADVERTISEMENT --
GENERAL SANTOS CITY – Gipasalamatan sa Sangguniang Bayan sa Glan, Sarangani, ang Bombo Radyo, sa kanunay’ng pagsuporta sa pagpahigayon nila ug Glan Dugtong Buhay Program, hilabi na kaniadtong Disyembre 28 miaging tuig.
Matud kang Kag. Lito Cerna, tungod sa suporta sa Bombo Radyo, miusbaw ang ihap sa mga blood donors nga miapil ug nakadonate ug duso.
Samtang, subling nangimbita ang lokal nga panggamhanan sa Glan, Sarangani ngadto sa ilang katawhan nga muapil ug magdonate ug dugo sa ipahigayon nila nga “GIVE LOVE, GIVE BLOOD ON VALENTINES DAY” karong adlawa, Pebrero 14, dungan sa pagsaulog sa Adlaw sa mga Kasingkasing.
Ipahigayon kini sugod alas-8:00 sa buntag, didto sa Glan Training Center kon Red Building.
