GENERAL SANTOS CITY – Gikatakdag ilusad sa City Housing and Land Management Office ang ilang Project Heart sa mga Home for Boys and Girls.
Matud sa labaw sa maong buhatan nga si Mary Ann Bacar, kini isip kabahin sa ilang corporate social responsibility.
Sumala pa nga simple lamang ang kinahanglan sa mga bata sa nahisgutang mga centers nga mao ang hygiene kits sama sa sabon nga pangligo ug panglaba ug toothpaste, kung asa galisod matud pa nga magpang-abot ang appropriation sa lokal nga panggamhanan aron unta regular nga magsuplay niini.
Hinungdan nga gusto nilang Bacar nga hatagan ug hygiene kits ang mga bata, nga plano nilang himuon matag semana.
Samtang, gawas niini, plano usab nilang maglusad ug lab kitchen, kung asa mapakaon nila bisan kausa sa usa ka semana, ug lamian ug insakto nga pagkaon ang mga bata.
Samtang, alang sa mga buot magpadala ug hinabang sa mga center for boys and girls, mamahimo matud pang makig-alayon sa ilang buhatan.
