GENSAN – Atensyon sa mga Native Born Indonesian Nationals nga nagpuyo karon sa Brgy. Cablalan, ug Gumasa, Glan, Sarangani.
Kini gumikan ugma sa hapon, Pebrero 14, dungan sa adlaw sa mga kasing-kasing, ipahigayon ang mobile renewal sa ilang mga Alien Certificate of Registration (ACR).
Kahibaluan nga human nang nagpahigayon ug ACR mobile renewal miaging mga adlaw sa ubang barangay sa Glan sama sa San Jose, Brgy. Big ug Small Margus, Pangyan, Brgy. Burias, ug Baliton.
Human ugma, magpadayon didto na usab sa Tacurong City, Sultan Kudarat ug Isulan, Sultan Kudarat sa petsa 21.
Lakip usab sa Esperanza, Sultan Kudarat ug Surallah, South Cotabato, T’boli, South Cotabato, Norallah, South Cotabato.
Samtang sa petsa 22 sa Tupi, South Cotabato, ug sa petsa 23 sa GenSan.
Una nang gibutyag sa Bombo Radyo ni Pedrito Lopez Jr, ang acting alien officer, nga kini na ang ulahing kahigayunan sa mga Native Born Indonesians Nationals aron asikasuhon ang tanan nilang para arrears.
Alang sa mga pangutana, mamahimo matud pang mahidangat sa ilang buhatan.
