-- ADVERTISEMENT --
GENERAL SANTOS CITY – Usa ang dead on the spot samtang duha ang angol human miligid ang usa ka van sa Tinoto, Maasim, Sarangani Province.
Matud kang PO2 Sobretodo sa Maasim Municipal Police Station, nahitabo ang aksidente pasado alas-3:00 sa hapon kagahapon, kung asa gikan ang van sa Maitum ug paingon dinhi sa GenSan.
Mibuto matud pa ang usa ka ligid ug nadakin-as sa dangog nga dalan, hinungdan nga miligid.
Kasamtangan pang ginakuha ang ilhanan sa mga biktima, lakip na sa namatay.
Gibutyag sa mga residente sa lugar nga kanunay nang may gakahitabo nga aksidente sa dalan sa nasampit nga lugar tungod sa kadangog, sukad matud pa gisapawan sa taga-DPWH ug aspalto.
-- ADVERTISEMENT --
