GENERAL SANTOS CITY – Patay ang usa ka motorista samtang angol ang iyang angkas, human mibangga sa puthaw nga poste sa Crossing Intake, Brgy Mabuhay ning dakbayan.
Giila ang namatay nga si Rakim Daye, 21-anyos, nga nakaangkon ug grabeng samad sa ulo nga maoy hinungdan sa iyang hinanaling kamatayon.
Samtang ang iyang angkas nga si Remy Daye, 19-anyos, nga nakaangkon usab ug samad sa ulo, apan anaa na sa luwas nga kahimtang sa balay-tambalanan.
Ang duha ang pulos mga residente sa Koronadal City.
Base sa imbestigasyon, gadali matud pa ang mga biktima samtang padulong sa trabaho, dihang pag-abot sa kurbada nga bahin, na-overshoot ang ilang gisakyan nga motorsiklo ug nabangga sa poste.
Padayong giimbestigahan sa mga otoridad ang naasoy’ng insidente.
