GENERAL SANTOS CITY – Gilubong na kagahapong adlawa ang gipusil-patay nga arnis instructor nga si Silvano Bombales.
Si Bombales ang eight times international champion ug labing unang Filipino Knife Figthing Sparring World Champion kaniadtong 2008.
Kahibaluan nga nagpadayon pa ang imbestigasyon sa San Isidro Police Station kalabot sa pagpamusil kang Bombales, kung asa may persons of interest na sila nga giimbestigahan luyo nga wala pa gihinganlan.
Kahinumduman nga gipusil si Bombales sa upat ka mga suspek nga sakay sa duha ka motorsiklo, sa Conel Road ning dakbayan.
Makalabay ang tulo ka adlaw, nakabsan sa kinabuhi samtang anaa sa ospital, gumikan sa naangkon nga mga samad-pinsulan sa dalunggan, dughan ug sa likod.
Apan nakuhaan kini ug pahayag sa kapulisan pipila ka adlaw una namatay, nga maoy hinungdan nga may gihuptan silang mga pangalan sa persons of interest.
