GENERAL SANTOS CITY – Dili muubos sa lima ka aksidente sa dalan ang natala dinhi sa siyudad matag adlaw.
Kini ag gibutyag sa Bombo Radyo ni PO2 Lemuel Aves sa Traffic Management Unit kon TMU-Gensan. Sumala pa nga ang maximum nga aksidente nga ilang natala ang anaa sa 15 hangtud sa 20 ka kada adlaw.
Hinungdan nga gipahimangnuan niini ang mga driver ug motorista nga tumanon ang mga balaod-trapiko aron makalikay sa disgrasya.
Kahibaluan nga mukabat sa 68 ang patay ug 2,217 ang natala nga nasamdan tungod sa aksidente sa dalan kaniadtong 2017.
Samtang ning sayong bahin sa 2018 mukabat na matud pa sa 185 ka aksidente ang ilang narespondehan, kung asa upat ang namatay.
Hinungdan nga angayang dili na matud pa magmaneho, hilabi na kon nakainum ug bino.
Angayan usab matud pang timan-an sa kanunay nga kung gamaneho ug sakyanan, angayang anaa sa most outer lanem ug dili kalimtan ng mag-seatbelt kon four-wheeled vehicle ang gimanehuan.
Nasayran nga sagad sa mga hinungdan sa mga natala nilang aksidente sa dalan mao ang ang “human error”, mechanical defect ug road defect.
