GENERAL SANTOS CITY – All-set na ang Office of Civil Defense (OCD) 12 alang sa 1st Quarter Nationwide Simultaneous Earthquake Drill.
Matigayon kini sa umaabot nga Pebrero 15, adlaw’ng Huwebes, alas-2:00 sa hapon.
Atul sa programang Good Morning Philippines sa Bombo Radyo, nanawagan si Karen Simene, training specialist sa OCD-12, ngadto hilabi na sa mga residente sa empleyado sa tibuok rehiyon, nga makiglambigit ug muapil sa nahisgutang earthquake drill, nga mahinungdanon matud pa aron masayran ug masaulo sa katawhan ang mga kinahanglan ug angayang himuon, kon may mahitabo nga linog, sama sa “duck, cover and hold”.
Kini pinaagi sa ilang banner nga Bida ang Handa, kung asa giawhag matud pa ang mga magpost sa social media dungan sa nahisgutang earthquake drill nga mugamit ug #BidaangHanda.
Nasayran nga ang pilot area ning tuiga sa earthquake drill dinhi sa Rehiyon 12 mao ang Notre Dame Village sa Cotabato City.
Apan giawhag niini ang mga opisyal sa matag lokal nga panggamhanan sa kasikbit-lugar nga manguna sa pagpartisipar ug pag-apil usab sa naasoy’ng aktibidad
