GENERAL SANTOS CITY – Halos matag adlaw may mga gasibat nga overseas Filipino worker gikan sa ilang mga gapangmaltrato nga amo, didto sa Kuwait.
Kini ang gibutyag sa Bombo Radyo ni Lucy Dasan, taga-Tantangan, South Cotabato, 11 ka tuig nang gatrabaho isip domestic helper sa nasampit nga nasud.
Sumala pa nga swerte lamang siya nga natunong siya sa maayong amo nga usa ka edukado matud pa nga Lebanese, kung asa maayo ag pagtratar niini kaniya.
Apan daghan usab gayud matud pa siyag mga nasayran nga kababayan nga gatrabaho usab didto nga ginamaltrato sa ilang mga amo.
Ug gani, halos matag adlaw usab matud pa sila makakita ug video nga gina-post sa mga susama niyang mga OFWs nga gimaltrato sa ilang amo.
Hinungdan nga uyon matud pa siya sa kamanduan ni Pangulong Rodrigo Duterte nga deployment ban sa mga OFWs sa Kuwait.
Sa karon anaa matud pa sa duha ka libo ka mga kababayan didto nga gikatakda na usab nga papauli-on, ug ginaasikaso na lang ang mga travel documents.
Samtang sa iyang nasayran, aduna matud pay mukabat sa 400 nga gikatakdang muuli sa nasud ning adlawa.
Samtang si Dasan ang gikatakda matud pang muuli sa nasud sa Hulyo, ug gusto gihapong mubalik sa maong nasud.
