GENERAL SANTOS CITY – Gipaniguro sa Deped South Cotabato nga dili maapektuhan ang klase sa mga eskwelahan nga himuong billeting quarter sa SRAA meet 2018.
Gani nakapahigayon na matud pa ug make-up classes ang mga eskwelahan nga gamiton nga billeting quarters sa siyam ka delegasyon alang sa SOCCSARGEN Regional Ahtletic Association o SRAA meet.
Matud kang Isagani Dela Cruz ang Deped Schools Division Superintendent sa host province nga South Cotabato, kini aron sa pagsiguro nga dili makaapekto sa number of school days sa tibuok tuig ang SRAA meet nga ipahigayon sa Pebrero 17 hangtud 21.
Dungan niini , gipaniguro usab sa DepEd nga andam ang mga billeting quarters sa SRAA delegates.
Kini ang labing una nga gihimo nga billeting quarter alang sa SRAA meet ang mga eskwelahan gawas sa Koronadal City kung asa ipahigayon ang daghang sports event.
Una nang gibutyag ni Deped Sports Coordinator Alex Floro nga target nga mahimong grandslam winner sa SRAA meet pinaagi sa subling pag-angkon sa kampeonato ning tuiga.
