GENERAL SANTOS CITY – Hugot karon ang pagpangandam sa lokal nga panggamhanan ning dakbayan, alang sa posibleng ipahigayon nga pagdungog kalabot sa kontrobersyal nga P8.7 billion road right of way project.
Gibutyag sa Bombo Radyo ni Vice Mayor Shirlyn Nograles nga sa Pebrero 23 ang tentative date niini.
Sumala pa nga gipaabot na lamang ang confirmation gikan kang Sen. Richard Gordon nga maoy magsilbing presiding officer.
Kahibaluan nga ginaplastar na sa Sangguniang Panglungsod ang mga mahinungdanonn nga gamit ug himan nga kinahanglanon sa pagdungog sama sa live streaming, speakers, monitor ug uban pa.
Ug gani, plano matud pa nilang magbutang ug monitor sa gawas sa session hall sa SP. Gipangandaman na usab ang hugot nga seguridad nga ipatuman sa dakbayan, alang sa gilaumang pag-abot sa mga sendor.
Na-coordinate na usab matud pa ang mga ipa-subpoena nga kanhi ug kasamtangang opisyal gikan sa nagkalain-laing government agencies sama sa Registry of Deeds, City Assessors Office, DPWH, ug uban pa, nga nalambigit sa naasoy’ng scam.
