GENERAL SANTOS CITY- Gitutukan sa mga sundalo ang kampanya sa mga supporter ug aktibo nga myembro sa New Peoples Army sa kabukirang bahin sa Alabel ug Malapatan Sarangani Province, mga lugar kung asa gagikan ang kasagarang sakop sa New Peoples Army kon NPA.
Matud ni Lt. Col. Marion Ancao, Comanding Officer sa 73rd Infantry Battalion nga nagpatuman ug security plan ang iyang mga sakop.
Gikumpirma niini nga ang naasoy nga mga sundalo ang kanhi mga sakop sa rebeldeng grupo nga mitahan.
Mukabat sa setenta hangtud otsenta ang nahisgutang mga sundalo ang gi-deploy.
Kini sila ang nakaila sa mga rebelde tungod nakauban sa taas nga panahon sa kalihukan.
Matud pa ni Ancao nga dakong gamit ang nahisgutang mga sundalo aron impluwensiyahan ang mga rebelde sa pagsurender.
Gani, gikumpirma ni Ancao nga tanang armado apan may katakos nga makig-away kung hilabtan sa mga rebelde.
Nasayran nga tulo sa matag upat ka residente sa mga residente sa Kihan, Upper Suyan, sa Malapatan ug Pag-asa sa Alabel ang aktibo nga myembro sa rebeldeng NPA.
Kahinumduman nga gimando ni Pangulo Rodrigo Duterte sa kasundaluhan nga mupatay ug lima ka sakop sa rebeldeng New Peoples Army bugti sa kamanduan sa labaw sa teroristang grupo nga mupatay ug usa ka sundalo matag adlaw.
