GENERAL SANTOS CITY – Grabeng sinumbaganay ang nasaksihan sa mga boxing fans sa panagsangka nilang GenSan boxer Jayson Mama og Michael Camelion nga taga Cagayan de Oro isip main event sa ‘Brawl at the mall” sa WBO Oriental Youth Flyweight Championship.
Natigayon nga gipahiagayon sa usa ka mall dinhi sa dakbayan kaniadtong Dominggo, Enero 21.
Wala na padugaya ni Mama, ang panagsangka tungod sa 9th round napatumba si Camelion hinungdan nga naangkon ang bakanteng WBO Asia Pacific youth flyweight belt.
Sumala pa ni Mama, wala siya magdahum nga mapatumba ang kontra.
Si Mama, kinsa taga Lagao adunay boxing rekord nga siyam ka daug og wala pay pildi.
Sa iyang pamahayag, sa Japan ang sunod niyang engkwentro apan wala pa nasayran kung kinsa ang makalaban. Samtang, daug usab sa undercard event ang laing Pinoy boxers.
Pinaagi sa unanimous decision daug si Judy Flores vs. Ramil Antaran; Jhun Rick Carcedo kontra kay Holly Quinones.
Daug usab si Dave Apolinario vs Frankie Batuon sa 6-round junior flyweight fight; Jake Bornea vs Jestoni Makiputin sa 6-round bantamweights; daug usab si Joey Canoy vs Rodel Tejares sa 8-round straw weights ingon man midaug usab ang Pinoy boxer Ben Mananquil vs Alvin Bais sa 8-round bantamweights.
Samtang ang midaug usab sa undercard fight pinaagi sa TKO ang igsuon ni Jayson Mama nga si Jervin batuk kay Romolo Ramayan.
Nasaksihan niadtong Dominggo ang exhibition fight sa kanhi Japanese model na si Tomomi Takano og Joan Ambalong nga taga Iloilo..
