GENERAL SANTOS CITY – Self-serving! Kini ang panglantaw ni City Councilor Edmar Yumang sa ginaduso sa ubang kongresista nga “no-el” kon no election sa 2019.
Dako matud pa siyang supak sa maong suhestyon, gumikan gihimo matud pa kini sa ubang kongresista alang sa ilang kaugalingong interes.
Sumala pa nga usa ka demokratikong nasud ang Pilipinas, hinungan nga kinahanglang ipatuman ang demokrasya, ug ang mga katawhan ang mupili sa buot nilang murepresenta kanila.
Kahibaluan nga gusto sa uban nga may term extension aron matutukan ang transitory sa federal system sa gobyerno.
Apan alang kang Kag. Yumang, mas maayo nga ipadayon ang election samtang gihisgutan ang maong isyu.
Dugang pa niini nga gikondisyon sa ubang mga magbabalaod ang katawhan kalabutan sa No-el scenario
Kahibaluan nga una nang gihingusgan ni Pangulong Rodrigo Duterte nga supak siya ug dili tugutan nga walay mahitabo nga piniliay sa 2019.
