GENERAL SANTOS CITY – Pakyas man nga masakmit ang kampeonato, mapasalamaton gihapon matud pa si Mohammad Harris Tin, angb composer sa kanta nga Sobra, sa natigayong nga grand performance night sa Bombo Music Festival.
Sa iyang Facebook post human mismo sa kompetisyon, gibutyag niini nga gihimo nila ang ilang “best”, ug luyo nga pakyas nga maangkon ang kadaugan, makonsidera na matud pang “price of a lifetime” ang nahimo nilang kasinatian isip finalist sa Bombo Music Festival.
Una nang giangkon ni Tin sa interview ni Bombo Janjan Macailing una ang grand performance night, nga daw sa nahimo silang celebrity tungod sa treatment ug accommodation nga gihatag sa Bombo Radyo kanila.
Dungan niini, iyang gipasalamatan ang tanan nga misuporta kanila sa iyang partner nga si Aleve Navaira nga maoy nagsilbing interpreter o miawit sa iyang kanta nga Sobra.
Kahibaluan nga ang gideklarang grand champion mao ang kanta nga “Gusto Kong Maging” ni Joseph Ponce nga taga-Baesa Quezon City. Nadag-an niya ang grand prize nga P200,000 ug trophy.
Samtang firts runner-up ang kanta nga M. U. ni Gerrie Mae Ged Orgasan nga taga-Guadalupe Nuevo Makati City.
Midawat siya ug premyo nga P150,000 ug trophy.
Ang 2nd runner-up mao ang kantang “Panumpa” ni Jose LG Fuentes nga taga- Consolation Cebu City, ug nadag-an niya ang P100,000 nga cash ug trophy.
Samtang, ang best interpreter nga nakadawat ug P50,000 mao si Pamela Torres nga nagkanta sa Hanggang Kaibigan ni Steven Nicole Pedro.
