GENERAL SANTOS CITY – Subling giawhag ni Pangulong Rodrigo Duterte si Sen. Manny Pacquiao isip sunod nga pangulo sa nasud.
Dungan kini sa pagtambong sa chief executive sa ika-39 nga adlaw’ng natawhan ni Pacquiao kagabii, nga gipahigayon sa KCC Events and Convention Center.
Nagustuhan matud pa sa Pangulong Duterte ang istilo ng pagpanerbisyo ni Pacquiao, hinungdan nga buot niyang mahimong sunod nga pangulo ang fighting senator.
Namalakpak usab ang audience, sa naasoy’ng pahayag sa pangulo.
Kahibaluan nga dili kini ang unang higayon nga gibutyag sa pangulo nga buot niyang mahimong presidente sa nasud si Pacquiao.
Sa usa ka litrato, nagkauban sa entablado ang tibuok pamilya sa senador, kauban si Pangulong Duterte.
Samantala, nahimong bongga ang naasoy’ng selebrasyon, nga gisugdan pinaagi sa praise and worship, ug dagkong papremyo nga gipa-raffle.
Gibanabanaang mukabat sa 2,000 mitambong nga bisita lakip ang pamilya ug kaparyentihan sa senador, lakip ang mga suod nga higala sa pulitika ug showbiz.
Spotted usab ang novelty singer nga si Max Surban, kanhing basketball star Kenneth Duremdes, former lead vocalist ng side A nga si Joey Generoso, singer nga si Jed Madela, ug daghan pa.
