GENERAL SANTOS CITY – Miubos ang natala nga krimen sama sa pagpamusil sa Polomolok, South Cotabato kung ikumpara sa maiging mga bulan nga halos matag semana adunay matala nga insidente.
Kini human gipatuman sa Regional Anti Street Crime task force ang onse ka Search Warrant sa siyam ka mga indibidwal sa Brgy Koronadal Proper miaging semana nga gikamatay sa tulo ka mga indibidwal.
Aduna matud pay dakong kabag-uhan sa lugar tungod minimal na lamang kaayo ang mga panghitabo nga natala sa lugar.
Kahinumduman nga gibutyag sa kanhi hepe sa kapulisan nga si Chief Insp. Aldrin Gonzales nga nagpadayon ang pagpangita kang Jordan Makabangin nga nakaikyas dihang gipatuman ang search warrant.
Kahinumduman nga patay human misukol sa otoridad silang Saddam Makabngin, Allan Ewa ug Mudia Adam mga residente sa Koronadal Proper nga gitudlo nga mga sakop sa gun for hire nga gilambigit sa pagpusil patay nilang Hernan Gabat ug tulo ka mga biktima lakip na kang PO2 Charlie Leyva nga gipusil patay sa national higway sa Tupi, South Cotabato.
