GENERAL SANTOS CITY – Naghatag og pamahayag ang labaw sa City assessors office dinhi sa dakbayan pinaagi kang Bong Dinopol human nga ang iyang pangalan ang nalakip sa 43 ka mga indibidwal nga gibutang sa lookout bulletin.
Kini may kalabutan sa isyu sa P8.7 Billion nga road right of way scam nga gibulgar ni Justice Secretary Vitaliano Aguirre.
Sa exclusive interview sa Bombo Radyo gibutyag ni Dinopol nga sa miaging mga tuig may imbestigasyon nga natigayon kalabutan sa maong hisgutanan kung asa karong panahuna nabulgar.
Iyang gibutyag nga magpasang-at siya og kasong libelo kang Roberto catapang ang whistle blower sa maong korapsyon.
Gihingusgan ni Dinopol nga ang tanang mga titulo sa yuta nga gipresenta sa iyang buhatan ang gituohan niini nga tama og dili usab nila trabaho sa pag-imbestiga kung kini peke o dili.
Gikadugang usab nga ang trabaho sa ilang buhatan mao ang mag-issue og tax declaration kung asa dinhi ibutang ang value sa yuta alang sa pagbayad og buwis sa land tax.
Sa iyang pahayag nga andam kinin bisan unsang orasa sa ipatawag nga hearing kalabutan sa anomalya gilangkoban matud pa sa road widening project sa syudad.
Kamatuoran adunay 14 ka titulo na nga gihupatn sa ilang buhatan nga ipresenta niini kung ipatawag sa DOJ.
Gumikan nalakip sa lookout bulletin, buot pasabot dili makagawas sa nasud ang nasampit kung walay pagtugot sa DOJ.
