GENERAL SANTOS CITY – Naaresto sa mga operatiba sa Philippine Drug Enforcement Agency (PDEA) ang usa ka Pakistani og asawang Pinay human makuhaan og iligal nga droga sa gipahigayong operasyon sa Purok Malakas, Barangay San Isidro ning syudad alas 11:30, Dominggo sa gabii.
Giila ang mga suspek nga silang Shahzad Khan a.k.a. SALMAN KHAN, usa ka high value target, 35 anyos og Anjelie Osama, usa usab matud pa ka high value target,3o anyos.
Mga negosyante ang mag-asawa nga parehong gialegar nga miyembro sa El Patron Drug Group gumikan matud pa sa drug financiers ang mga nasampit.
Nakuha sa mga operatiba sa PDEA atul sa search operation sa balay sa mag-asawa ang 10 gramu sa suspected shabu” nga adunay estimated market value nga P50,000.00 og usa ka gray ledger nga adunay daghang bank deposit slips, money trails og pipila ka mga dokumento nga ebidensiya sa pagpasang-at ug kaso batok sa magtiayon.
Mag-atubang ang magtiayon sa kasong pagsupak sa Section 11 (Paghupot og illegal drugs )Article 2 sa RA 9165 kon Comprehensive Dangerous Drugs Act.
Ang mga nasampit ang nagpabiling balhug sa detention facility sa PDEA-12.
