GENERAL SANTOS CITY – Luyo nga dili na unta kinahanglan nga pasidunggan, apan giangkon sa 27-anyos nga intern doctor nga si Charleanne Jandic nga nagpasalamat sa paghatag kaniya sa Kabayan Partylist og pasidungog.
Kini human ang gihimong pagrescue ngadto sa usa ka babayeng naputlan og bukton human nga mahulog sa platform sa MRT.
Kahibaluan nga personal nga gidawat ni Jandic ang Kabayan Bayani Award gikan sa sa maong grupo aron ilhon ang iyang kaayo og talento aron maluwas ang kinabuhi ni Angelene Fernando.
Sa pakighinabi sa bombo radyo, gibutyag ni Jandic nga wala nila gilauman ang mga pag dayeg nga iyang nadawat karon. Niadtong tungura dihang giluwas ang babaye nga naputlan ug parte sa lawas, bugtong anaa sa iyang hunahuna nga mao ang tamang buhaton isip intern doctor.
Si Jandic,kasamtangang gatrabaho sa Chinese General Hospital and Medical Center sa kauluhan.
Tambag niini nga importanteng adunay kahibalo ang kada usa sa first-aid treatment aronn makahatag ug hinanaling tabang ang kinsa man ugaling adunay manginahanglan og tabang.
Una niini, gibutyag sa amahan nga si Dr.Carlos Jandic, nga proud siya sa gihimo sa iyang anak nga si Charleanne.
Nasayran nga gilayong nagviral sa internet ang video sa pagluwas ni Jandic sa babaye. Nasayran nga pangandoy niini nga mahimong usa ka otrhopedic sugeon.
