GENERAL SANTOS CITY – Gipamatud-an ni Donato Tano, usa ka blind massage therapist, kanhing taga- Arakan Cotabato, apan nagpuyo sa Alpine Ville, Lagao ning dakbayan, nga dili babag ang kakulian sa panglawas, aron makatabang sa ubang tawo, partikular na sa pagdonate ug dugo sa Dugong Bombo 2017 kaniadtong Sabado.
Sumala pa nga naandan na niya kining himuon matag tuig, ang pagdonate ug dugo matag tuig sa Dugong Bombo.
Ug gani, kini matud pa ang ika-napulo ka tuig niyang pagpartisipar sa Dugong Bombo.
Gawas nga nakatabang sa pagdonate ug dugo, nahimo usab matud pa siyang himsog ug layo sa sakit, gawas nga nahinluan ang iyang dugo.
Ingon usab si Marlon Cosip nga usa gihapon ka PWD, kung asa kagahapong adlawa mao matud pa iyang ikaduhang higayon nga pagdonate ug dugo.
Sumala pa nga tungod sa naasoy’ng bulawanon nga proyekto sa Bombo, mihimo siya ug panaad nga magdonate na gayud ug dugo matag Dugong Bombo.
