GENERAL SANTOS CITY – Nahimong hapsay ang pagbisita sa pamilya sa mga biktima sa maguindanao masaker ngadto sa masaker site.
Matud ni Grace Morales, misis ni Russel Morales nga usa sa mga biktima sa naasoy’ng masaker, nga alas 6:00 sa buntag sila migikan sa GenSan og nibiya sa Sitio Masalay, Barangay Salman, Ampatuan, Maguindanao pasado alas 12:00 sa udto kagahapon.
Sama sa naandan, adunay misa nga gipahigayon og gamay nga programa dayon paghalad ug bulak og pagsindi ug kandila dungan sa pag-ampo sa makasaysayong lugar.
Sa pahayag ni M rs. Morales nga ubay ubay ang mga pamilya nga nanguyog nga gawas sa taga GenSan , adunay gikan sa Isulan, Tacurong, Koronadal og taga Davao.
Sa GenSan, gilangkoban kini sa pipila ka taga media, SMBI, Kapisanan ng mga Brodkaster ng Pilipinas (KBP) Gensan Chapter, National Union of Journalists of the Philippines (NUJP) og sa uban pang lugar .
Aduna usab mga grupo sa media gikan sa Kauluhan.
Sa iyang pahayag nga nahisgutan ang dagan sa kaso ingon man scholarship sa mga anak sa mga Masaker victim.
Ug gani, ang representante sa grupo nga gapondo sa scholarship ang nahidangat sa masaker site.
Luyo niini, giangkon ni Morales nga dismayado gihapon silang mga pamilya gumikan dugay-dugay na wala pa gihapon hingpit nakab-ot.
Samtang gibutyag nga sa hapon sa Nov. 23, magtigom sa forest lake ang mga pamilya sa 12 ka miyembro sa media nga biktima sa masaker nga nalubong sa maong sam-ang.
