GENERAL SANTOS CITY- Magpadayon ang koordinasyon sa kapulisan sa duha ka Mayor sa South Cotabato bisan pa gitangtangan ug police power.
Nasayran nga lakip silang Banga Municipal Mayor Albert Palencia og Sto. Niño Mayor Pablo Matinong Jr sa 23 Local Chief Executive nga gikanayong nalambigit sa ilegal nga droga.
Gibutyag sa Bombo Radyo GenSan ni Matinong nga nakuratan siya dihang nalakip ang iyang pangalan sa gibawian og police power.
Gihingusgan nga limpyo ang pangalan human nanumpa atubang ni House Speaker Bebot Alvarez human nga nahimong miyembro sa PDP-LABAN.
Sa iyang pahayag nga dili matud pa mamahimong myembro sa partido ni Pangulong Rodrigo Duterte ang kinsa man nga adunay kalambigitan sa druga.
Hinuon, gisiguro nga dili makaapekto sa iyang pagserbsiyo ang panghitabo.
Samtang, sagul kakulba ang nasinatian ni Mayor Palencia sa Banga.
Matud pa niini nga dili tungod wala na sa kontrol niini ang kapulisan apan gitan-aw ang iyang seguridad isip opisyal sa munisipyo.
Gibutyag niini nga bisan wala nay police power apan magpadayon gihapon ang suporta sa LGU sa kapulisan sa kampanya kontra druga.
Giklaro pa ni Mayor Palencia nga walay kamatuoran ang akusasyon nga usa siya sa anaa sa narcolist sa Pangulo.
Kahibaluan nga nga sa miaging tuig gisulod sa kapulisan ang balay, warehouse nga panag-iya niini human gidudahan nga nagtago ug druga apan negatibo usab ang resulta.
