GENERAL SANTOS CITY –Wala naadto sa City Housing and Land Management Office ang P10 milyon nga pondo matag tuig alang sa pagpalit ug relocation site alang sa dakbayan.
Kini ang gihingusgan sa laabw sa naasoy’ng buhatan nga si Mary Ann Bacar, kung asa gibutyag niini nga dili niya kontrolado ang pagpalit ug relocation site.
Sumala pa nga didto sa City Disaster Risk Reduction and Management Office kon CDRRMo.
Gikabutyag nga malisod ang proseso sa pagpalit ug relocation site, kung asa angayang ikonsidera lakip ang presyo.
Nasayran nga may luna unta nga paliton ang dakbayan sa Lanton, Apopong nga gipanag-iyahan sa pamilyang Pendatun.
Apan wala kini giaprubahan sa Sangguniang Panglungsod gumikan daghan ug mga rekositos hinungdan nga wala nagmalampuson ang negosasyon.
Hinuon, may plano nang paliton nga laing luna alang sa relocation site, kung asa galaum si Bacar nga maaprubahan na kini sa konseho.
