GENERAL SANTOS CITY – Gideklara nga dead on arrival sa usa ka tambalanan ang usa ka tawo nga miulang lamang sa away sa iyang silingan.
Kini human makaangkon ug dagkong samad sa ulo agi ug pinuspusan ang nagpangalan ug Ricky Landiles 33 anyos nga residente sa Sitio Kalyong, Landan, Polomolok South Cotabato.
Gikumpirma sa kapulisan sa Polomolok nga nakadawat ug impormasyon kalabut sa usa ka tawo nga nagkadugo sa nahisgutang lugar.
Pagrespondi sa kapulisan ilang naabtan ang biktima sa compound sa nagpangalan ug Opel Malasusi nga residente usab sa lugar hinungdan nga gidala sa tambalanan.
Nakaangkon ug dagko nga samad sa ulo ang biktima nga hinungdan sa iyang kamatayon.
Nasuta nga gilalisan nilang Malasusi ug ang ig-agaw niini nga si Zusette Macalintal ang kabahin sa kawarta hinungdan nga mipatunga ang biktima apan nabunalan kini ni Malasusi.
Matud sa kapulisan nga iagi na lamang sa regular filling ang pagpasaka ug kaso batuk sa suspek.
