GENERAL SANTOS CITY – Patay ang usa ka 10-anyos nga batang lalaki human kini nga mahulog sa swing.
Ang biktima ang nailhan sa pangalan nga si Ryan Palma Jr., residente sa Sunshine Village Brgy. Lagao ning syudad.
Dismayado si Ryan Palma Sr sa nadangatan sa iyang anak.
Gibutyag niini, anaa sa plaza sa lugar ang iyang anak og nagduyan sa dihang miabot ang suod nga higala nga nagpangidaron og 11 anyos.
Gitabyog sa iyang higala ang duyan sa makadaghang higayun og luyo sa pagpasinggit sa biktima nga ihunong ang gihimo wala naminaw ang higala og gibuyluhan hinuon ug tabyog ang duyan hangtud nga kini nahulog.
Sa iyang pamahayag, daghang anaa sa plaza ang nakakita sa panghitabo kon asa nabunal ang ulo sa biktima.
Gikanayon sa amahan nga pagkaugma pa dihang iyang gidala ang anak sa ospital apan nakabsan sa kinabuhi og nasutang nga nabalian sa spinal cord.
Sa pahayag sa amahan nga dili na gustong magpasaka og kaso apan gihangyo ang pamilya sa 11 anyos nga bata nga nagduyan sa iyang anak nga tabangan sila sa galastuhon sa pagpalubong.
