-- ADVERTISEMENT --
GENERAL SANTOS CITY – Angol ang upat ka tricycle driver human gilabayan ug eksplosibo ang usa ka tricycle sa Lower Acharon, Brgy Calumpang ning dakbayan, kagabii.
Giila ang mga nasamdan nga sila si Alvin Gunata, 25-anyos, residente sa Brgy North; Joni Pentad Jr., 30, taga-Brgy Apopong; Ajerol Maslit, 25, ug Mervin Cabangan, 18, taga-Labus, Brgy Fatima ning siyudad.
Sa imbestigasyon, bandang alas-11:30 kagabii samtang nagtambay ang upat sa tricycle sa usa kanila, dihang may gilabay nga mibusikad nga butang kanila, sa wala pa mailhing responsable.
Gilayong gidala sa tambalanan ang upat nga pulos nakaangkon ug minor injuries.
Ginasuta na sa Explosive Ordnance Disposal unit kung unsang matang sa eksplosibo ang gilabay sa mga biktima.
-- ADVERTISEMENT --
