GENERAL SANTOS CITY – Nagpadayon ang pagtigum ug impormasyon sa kapulisan sa Polomolok kalabut sa ilhanan sa mga suspek nga mipusil patay sa MNLF member nga may kaso sa paghupot ug Illegal nga druga.
Riding in tandeem ang gitudlo nga responsable sa pagpusil patay sa biktima nga si Lito Jongay, alyas Alhadj-Abdullatif Jongay, 47 nga residente sa Purok Pagkakaisa, Barangay Lumakil.
Pauli na matud pa ang biktima sa ilang pinuy-anan samtang sakay sa iyang motor kuyog ang backrider nga nagpangalan ug Romeo Javier 59 anyos dihang gipusil sa motorcycle riding criminal gamit ang caliber 45 pistol.
Patay ang biktima samtang luwass usab si Javier nga residente sa Cagasan subdivision Poblacion.
Basi sa gihimong pagsusi sa kapulisan nga nakapiyansa si Jongay ug P200,000.00 niadtong 2016 sa pagsupak sa Comprehensive Dangerous Drugs act of 2002.
Gani gipailawom na sa pagsusi ang unom ka basyo sa caliber 45 aron masayran kung may susama ba nga ebidensya sa shooting incident nga gihuptan karon ang kapulisan.
