GENERAL SANTOS CITY – Emosyunal dihang naghatag sa iyang reaksyon ang asawa sa usa ka sundalo nga namatay sa Marawi City kalabotan sa kamatayon nilang Isnilon Hapilon og Omar Maute, lider sa Maute ISIS groups.
Sa pakighinabi sa Bombo Radyo, gibutyag ni Mrs. Ann Dalugdog, asawa ni Private First Class Felmark Dalugdog nga residente sa Maasim Sarangani Province nga nasayran niya ang balita sa pagkatay sa duha ka terrorist leader sa Facebook.
Nahatagan ug hustisya ang mga namatay sa Marawi.
Luyo nga gikalipay ang panghitabo, apan nasubo gihapon tungod dili na mabalik ang kinabuhi sa iyang bana.
Sa iyang pamahayag, kulang pa ang kinabuhi nilang Hapilon og Maute sa pagkamatay sa iyang bana.
Nagpasalamat ngadto sa militar ug kapulisan nga nagbuhis sa ilang kinabuhi aron ma-neutralize ang duha nga nagresulta sa kamatayon.
Kahibaluan nga si PFC Dalugdog ang namatay sa MArawi human nga naigo sa sniper sa dughan.
