GENERAL SANTOS CITY – Emosyunal ang anak ni Mayor Aniceto ‘Jojo’ Lopez nga si Making Lopez, dihang miatubang sa media, human nga hingpit nga mapasakaan ug kaso ang amahan.
Atul sa gipahigayong press conference, gipanghimakak ni Making ang tanang alegasyon batok sa ilang amahan.
Sumala pa nga isip anak, gikasakit pag-ayo sa iyang buot gumikan daw sa gilayong gikondena sa ubang tawo ang ilang pamilya, luyo nga wala sila hingpit nga nailhan ug wala pa nahukman sa korte.
Gihingusgan sa nasampit nga inosente ang ilang amahan, sama sa uban pang miyembro sa ilang pamilya.
Dungan niini, gipasalamatan ni Making ang tanang nga padayong gasuporta ug gatuo gihapon sa ilang pamilya hilabi na sa iyang amahan.
Gatuo usab matud pa sila nga makaya nila kini ug malampuson nga makalingkawas sa naasoy’ng pagsulay nga giatubang, ug galaum nga mugawas gayud ang kamatuuran.
