GENERAL SANTOS CITY – Kanhi matud pa priso ang suspek sa pagdunggab sa mag-asawa nga silang Lydia ug Juanito Recento sa Ilaya, Glan Sarangani Province.
Kini ang migawas sa imbestigasyon sa kapulisan sa Glan kalabut sa mangilngig nga pagpatay kang Lydia Recento samtang gikaangul sa bana nga si Juanito nga naa pa karon sa tambalanan.
Gani nagpadayon ang pagpangita sa suspek nga si Mark Ebona nga taga Purok Bagras, Ilaya Glan human misibat sa lugar.
Nanawagan pa ang kapulisan ngadto sa mga kaila ug kabanay sa suspek nga isurender na lamang kini sa kapulisan samtang sayu pa.
Gani gipasaka na sa piskalya ang kaso nga murder ug frustrated murder batuk sa nahisgutan.
Ang mga biktima maoy ginikanan sa iyang kapuyo nga si Beverlyn Recento nga residente usab sa lugar.
