GENERAL SANTOS CITY – Nagpaklaro si Election Officer Atty April Michor sa Comelec-Gensan, kalabot sa mga katikaran sa gitakda nga barangay ug SK election sa Oktobre 23.
Kagahapong adlawa, personal nga mitambong si Atty Mitchor sa sesyon sa Sangguniang Panglungsod, kung asa giklaro niini nga bugtong sa Luzon ug Visayas lamang magpahigayon sa naasoy’ng eleksyon, kon ugaling mahinayon sa nasampit nga petsa.
Kini gumikan sa nagpadayong implentasyon sa Martial Law sa Mindanao, hinungdan nga wala unay ipahigayon nga barangay ug SK election sa rehiyon.
Lakip sa gisuspenso ang mga election ban, gun ban, ug uban pang election-related activities sa Mindanao.
Matud ni Atty Mitchor, mahimo lamang magpahigayon ug eleksyon dinhi sa Mindanao, sulod sa 30 ka adlaw human matangtang ang Martial Law.
Apan gumikan gilugwayan ni Pangulong Rodrigo Duterte ang implementasyon sa balaod militar hangtod sa Disyembre 31 ning tuiga, posibleng pagkahuman pa sa Enero 30 makapahigayon ug eleksyon sa Mindanao.
