GENERAL SANTOS CITY – Nagmalampuson ang gipahigayong earthquake drill sa GenSan Sped Integrated School sa Brgy San Isidro ning syudad kagahapon.
Matud pa ni Dr. Bong Dacera sa CDRRMO nga nasunod ang principles og procedure sa drill kalabutan sa pagtay-ug sa linog.
Lakip niini ang pagsunod sa ‘duck, cover and hold position kon matigayon ang pagtay- ug.
Gibutyag niini, may kaugalingong medical staff ang tulunghaan samtang ang barangay ang may nakaandam usab nga mga himan og ekipo sa pagrescue ugaling may masamdan atul sa linog.
Matud ni Dacera, tumong sa drill nga sutaon ang kaandam og kapasidad sa tulunghaan ugaling matigayon ang linog og sunog.
Aktibo og seryoso sa drill ang mukapin o kulang 300 ka estudyante kon asa hinay hinay nga migawas sa mga classrooms samtang nakatabon ang ulo og libro.
Apan gikabutyag nga anaa sa 2500 ang misalmot sa drill.
Una niini, May marker sa matag andana sa school building aron maoy sundon sa mga estudyante kon asa sila pwedeng mag-agi paingon sa open space sa compund sa tulunghaan.
Ang tahas sa mga magtutudlo mao ang magpahigayon og head count sa ilang mga estudyante nga tua nagtapok sa open gr ound aron masayran kon kumpleto ba tanan og walay nahibilin sa mga school buildings.
