GENERAL SANTOS CITY – Nagpinusilay ang duha ka pulis sa COMPAC sa Crossing Dagok, Polomolok South Cotabato nga nagresulta nga usa ang nahimong kritikal.
Giila ni PCI Aldrin Gonzales, OIC Chief of Police sa Polomolok Municipal Police Station ang nag-dwelo nga mga pulis nga silang Po3 Earl Malayo nga na-assign sa Provincial Intelligence Branch sa South Cotabato og Po2 Erni Sagabay nga taga RPSB-12.
Natigayon ang dwelo sa 2 ka pulis kaganihang alas 8:30 sa buntag, naa sa Crossing Dagok si Malayo aron sa pagtambong ug Court hearing sa dihang miabot si Po2 Sagabay og giduolan si Po3 Malayo og gilayong gitutukan og 9mm issued firearm.
Giwakli ni Po3 Malayo ang pusil nga nakabuto niadtong higayuna hinungdan nga natapsingan lamang ang uniporme og wala naigo sa lawas.
Gilayon usab nga nibunlot sa iyang 9mm issued firearm si Po3 Malayo og gipusil si Po2 Sagabay sa tulo ka higayon nga naigo sa tiyan nga bahin.
Gidala sa usa ka ospital dinhi sa dakbayan si Po2 Sagabay ug matud pa kritikal ang kahimtang.
Sa impormasyong nakalap sa sakop ni PCi Gonzales nga kagahapon hapit nang pusilon ni Po2 Sagabay si Po3 Malayo dihang nagkitaay sa Octavio Village, Brgy. Cannery Polomolok apan wala madayun gumikan gilayong nagpasalipod si Po3 Malayo sa likod sa nagpangalan ug Rio Salig Sr, ang tag-iya sa balay kon ang nagkitaay ang duha ka pusil.
