GENERAL SANTOS CITY – Gihingusgan ni Lt. Col. Benjamin Llander, Battalion Commander sa 27th Infantry Battalion Philippine Army, nga nagpabilin silang naka-alerto luyo sa nasinatian karon nga kahapsay sa ilang area of responsibility partikular sa South Cotabato ug MaKiMa (Maasim, Kiamba, Maitum) sa Sarangani.
Sumala pa nga nakaalerto gihapon sila sa posibleng himuon sa mga rebelde ug padayon ang ilang paggukod sa mga armadong grupo sa kabukiran.
Sumala pa nga bisan ug hapsay ang sitwasyon ug walay natala nga mga pagpangharass sa mga negosyante ug uban pang kakulian sa ilang AOR, padayon silang nakaalerto hilabi na sa mga sakop sa New Peoples Army (NPA).
Samtang, gibutyag usab ni Lt. Col. Llander nga nakunhuran ang pwersa sa mga walhong grupo tungod sa gipatuman nga ceasefire kaniadto kung asa daghan ang mitahan ug mibalik sa sabakan sa gobyerno.
Dinhi, subling giawhag sa nasmapit nga opisyal ang mga nabilin pa sa kabukiran nga mu-surrender na ug dawaton ang tanyag nga hinabang sa gobyerno.
