GENERAL SANTOS CITY – Wala matubag sa konseho sa Malapatan ang sulat ni Municipal Treasurer Eduardo Manlunas nga nagbutyag nga nasinati-an karon sa ilang lugar ang financial crisis human nagkulang ug mukapin sa banyte tres milyones ang pundo sa munisipyo.
Sa sulat ni Manlunas ngadto kang Malapatan Mayor Alfonso Singcoy gibutyag niini nga adunay nahibilin nga mukapin sa trenta milyones pesos ang General fund sa bulan sa Agusto.
Nakatakda nga muabut ang ilang IRA sa kantidad nga mukapin dise otso milyones pesos alang sa bulans a septembre hangtud desyembre nga musamada sa mukapin setenta y tres milyones pesos hinungdan nga adunay kinatibuk-ang P103 milyon ka pesos kapin.
Apan kulang gihapon kini ug mukapin banyte tres milyones pesos basi sa pahayag ni Manlunas tungod ang kinahanglan nga mahibilin nga pundo mukabat sa P 127 milyon kapin.
Gani human mabasa kaganiha sa sesyon sa sanggunian Bayan sa Malapatan walay nadungog nga bisan gamay na lamang nga komento ang mga Konsehal.
Nahibaw-an nga nadugayan ug sugod ang sesyon kaganaihang buntag tungod nagpahigayon ug caucus ang mga Konsehal sulod sa opisina ni Vice Mayor Jimmy Bagit.
