GENERAL SANTOS CITY – Gilauman nga sa bulan sa Oktobre mahuman na ang plano sa Philippine Fishiries and Development Authority alang sa himoong Agri tourism hub ang Gensan Fishport Complex.
Kini ang pahayag ni Luisito Correa ang Port General Manager sa PFDA kon asa gibutyag sa nasampit nga dili limod nga daghang turista ang gaadto sa Fishport aron lamang makakita og dagkong tuna.
Matud sa nasampit nga may mga interesadong mutabang alang sa Agri tourism hub kon asa may pipila ka mga arrangements na.
Gikadugang pa ni Correa nga ang lokal nga gobyerno sa syudad ang nagpasalig usab nga mutabang sa mugnaong tuna museum sa sulod sa fishport.
Sa pamahayag niini, ang market 4 area sa fishport ang gisugyot nga magsilbing Agri tourism hub.
Kahibaluan nga ang indusrtiya sa tuna ang nakaani karon og daghang turista sa syudad gumikan interesado nga makit-an ang mga dagkong tuna nga wala ngadto sa ilang lugar.
Sa maong Agri tourism hub makit-an ang nagkadaiyang mga produktong tuna og may mga kalingawan alang sa mga bisita.
