GENERAL SANTOS CITY – Wala gayud nasayop sa iyang prediksyon ang usa ka boxing analyst sa dakbayan nga mapildi si UFC champ Conor McGregor kay undefeated boxer Floyd Mayweather Jr. sa gipahigayon engkwentro nga gipahigayon kagahapon sa Las Vegas, Nevada.
Matud ni boxing analyst Arnel Antiporda, sa sinugdanan pa lamang nalantawan nang daan nga mis-match ang engkwentro ni Mayweather, usa ka boxer og McGregor, usa ka mixed martial art artist.
Gibutyag ni Antiporda, dehado kaayo si McGregor sa engkwentro tungod nakaplastar nang daan ang maayong stance og may basic sa boxing na si Mayweather itandi kay Mcgregor nga hanas sa mixed martial arts.
Kini bisag nakapaigo og mga solidong kinumo si Mcgregor ngadto kay Floyd apan dili gihapon paigo aron mapahagba ang undefeated boxer.
Daghan pangdeprensiya sa away sa duha kon asa mas daghan ug bentaha si Mayweather kang McGregor.
