GENERAL SANTOS CITY – Angayang atubangon ni City Legal officer Atty. Arman Clarin ang mga opisyales sa konseho sa dakbayan aron ipaklaro ang iyang habig human nga gialegar nga adunay business interest sa mga transakyon sa gobyerno hinungdan nga gipanawagan sa us aka konsehal sa dakbayan sa nga mukanaog na lamang sa pwesto.
Kini ang reaksyon ni Kag. Jeng Gacal sa maong isyu batok kay Atty. Clarin.
Matud ni Kag. Gacal, ugaling tinud-on ni Atty Clarin ang giluwatang pamahayag nga magresign, nagpasabot lamang kini nga murag giangkon ang alegasyon ni Kagawad Jun Lagare batok kaniya.
Nanghinaut na lang si Kag. Gacal, nga dili tinuod ang alegasyon batok kay Atty.Clarin nga adunay business interest sa e-jeepney kon asa gamiton lamang nga prontalya sa mga kooperatiba og mu-resign gihapon kini kon mapirmahan ang multi-million contracts.
Sa pakighinabi sa Bombo Radyo, gibutyag ni Atty. Clarin nga tsismis ang alegasyon ni Atty. Lagare kung asa bug-at ang akusasyon batok kaniya.
Samtang, sa tumong nga mahatagan og due process si Atty Arman Clarin, ang city legal officer sa syudad kalabot sa nahimong pamahayag ni Kag. Jun Lagare batok sa nasampit, giduso ni Kag. Edmar Yumang nga magpahigayon og inquiry.
Kahibaluan nga niadtong Martes atul sa sesyon sa SP namahayag si Kag. Lagare nga dili kasaligan nga opisyal sa syudad si Atty. Clarin tungod aduna matud pay business interest sa mga transaksyon sa gobyerno.
Matud pa ni Kag. Yumang nga ang inquiry maghatag og dalan aron magpaklaro sa iyang bahin si Atty. Clarin.
Sa pamahayag ni Atty Lagare nga realible ang iyang source nga magresign si Atty. Clarin oras maaprobahan ni Mayor Ronel Rivera ang multi-million nga kontrata sa e-jeepney sa syudad.
Nasayran nga sa pamahayag ni Atty. Clarin nga dawaton niya ang hagit ni Atty. Lagare nga magresign kini sa pwesto.
Gihingusgan nga dili kini kapit-tuko sa pwesto ug aron nga pamatud-an nga walay kiniy business interest o business dealings sa mga kumpanya, mukanaug matud pa kini sa pwesto.
