GENERAL SANTOS CITY -Posibleng dili mahuman kining tuiga mapasa na sa konseho ang Transportation Code.
Kini ang pagbana-bana ni Kagawad Jun Lagare nga Agusto 31 iyang hulaton nga mapasa sa iyang buhatan ang version sa transportation nga gihimo sa mayor’s office.
Gikatakdang hisgutan ang transportation code sa executive committee on transportation kauban ni Atty. Arman Clarin ug ubang opisyal sama kang Atty. Arnel Sapatos ang administrator sa syudad.
Una nga gisugyot sa buhatan sa mayor nga bawal sa mga traysikel ang pag-agi sa national highway luyo nga adunay designated areas nga mugnaon aron makalabay sa national highway.
Kahinumduman nga makadaghan nga gisibog ang paghisgut sa transportation code sa Konseho human mihangyo ang buhatan sa mayor nga dili iapil sa hisgutanan ang upat ka importante nga hisgutanan.
