GENERAL SANTOS CITY -Angayan nga adunay manubag sa pagpamutol sa mga kahoy palibut sa gymnasium sa Barangay Malandag, Malungon Sarangani.
Kini ang gipasalig ni Mayor Teresa Constantino human nagpahigayon ug imbestigasyon pinaagi sa buhatan sa Municipal Environment and Natural Resources Office (MENRO) aron matudlo kung si kinsa ang adunay kapalpakan nga magpahigayon lamang ug pruning ug pagpul-ong sa mga sanga.
Kini human gikaurat sa Mayor ang kalit pagkawala sa mga punu-an sa kahoy sa lugar nga gitanum sa panahon pa sa iyang mga Apuhan.
Gipaklaro niini nga wala siya muhatag ug pagtugot nga ug dili mahitabo nga musogot nga pangputlon ang mga punu-an sa kahoy hilabi na nga lakip sa iyang nag-unan g programa ang pagtanum ug mga punu-an sa kahoy sa gialagaran nga munisipyo.
Kahinumduman nga giangkon ni Barangay Malandag Administrator Fernan Pantin nga wala kini makasabot sa pulong nga pruning.
