GENERAL SANTOS CITY – Mas pahugtan pa sa Polomolok Municipal Police Station ang pagbantay lakip ang dalaw sa mga piniriso human ang mga kontrbandong narekober sulod sa ilang duha ka selda human nga gipahigayon kagahapon ang sorpresang Oplan Galugad.
Matud pa ni PSR Insp. Hernan Gabat, lakip niini ang ubay-ubay nga mga cellphone, charger lakip pocket WIFI, nail cutter, gunting, posporo, mga lighter og sigarilyo.
Narekober usab sa higdanan og mga gamit sa mga piniriso ang kutsara nga gihimong improvised bladed weapon.
Nasayran nga muabot sa 20 ka piniriso ang nabilanggo sa maong presinto.
Nasayran nga una gisugdan ang gipahigayong inspeksyon, gigawas og giposasan una ang mga inmates apan ang pipila ang gibilin sulod sa selda aron magsilbing testigo.
