GENERAL SANTOS CITY – Gipasunggan sa Provincial Disaster Risk Reduction and Management Council sa Sarangani ang mga munisipyo ug barangay tungod sa pagpatuman sa disaster risk reduction and management.
Gibutyag ni Rene Punzalan, labaw sa PDRRMC nga gihatagan ug plake ug cash ang Purok Malinawon Day Care center sa Lun Padidu, Malapatan human midaug nga Best Early Learning Center sa tibuok probinsya.
Best Government Emergency Management and Quick Response Team ang Malungon. Best Rural Barangay Disaster Risk Reduction and Management Committee ang Calabanit sa Glan, ug Best Municipal Disaster Risk Reduction and Management Council ang Malungon, ikaduha ang Kiamba ug ikatulo ang Alabel.
Gipasalamatan usab sa mga municipal officials ug sa mga barangay captain si Gov. Steve Chiongbian Solon sa walay puas nga ayuda ngadto sa mga barangay.
