-- ADVERTISEMENT --
GENERAL SANTOS CITY – Gilayon nga gikustodiya sa Explossive Ordnance Dispossal(EOD) Unit ang duha ka granada nga giturn over sa Lagao Police Station.
Kini human mipadangat ug taho sa Lagao Police station ang nagpangalan ug Lita Destro nga taga Cruz compound, Nursery Lagao kalabut sa pagkakaplag sa usa ka PRB grenade ug smoke grenade nga nabutang sa punu-an sa lubi.
Gituhu-an pa ni Destro nga panag-iya sa igsuon nga sundalo ang nahisgutang mga explosibo tungod kini ang ulahing migamit sa lugar.
Nakit-an ang duha ka granada dihang nagdula ang iyang anak nga mitaho usab sa inahan.
