GENERAL SANTOS CITY – Gihatagan ug arrival honors atul sa pag-abot niini sa GenSan Airport ang namatay nga sundalo didto sa Marawi.
Kagahapon sa buntag miabut ang patay nga lawas ni Staff Sergeant Murphy Pulalon, 45-anyos residente Purok Kulasi, Barangay Labangal niining dakbayan.
Kini human na divert ang eroplano didto sa Zamboanga nga nagdala sa patay nga lawas sa sundalo.
Lakip sa mitagbo kang Sgt. Pulalon ang iyang inahan ug tulo ka mga anak ug mga kabanay.
Gilayon nga gideretso sa Purok Maguindanao si Sgt Pulalon ug gilayon nga gilubong.
Dinhi sa dakbayan tulo na ka mga sundalo ang napatay didto sa Marawi samtang nakig engkwentro sa mga sakop sa Maute.
Una mao si Marine Private First Class Marvin Russel Gomez nga taga Calumpang nga gisundan ni Private First Class Felmark Dalogdog.
