GENERAL SANTOS CITY -Karon buntag na lamang ilubong si Staff Sgt. Murphy Pulalon human nga wala nadayun kagahapon ang paghatud kaniya sa ulahing kapahulayan human nga wala madayun ang paghidangat sa patayang lawas niini kagahapon sa dakbayan.
Matud sa kapitan sa Kawas Alabel Sarangani, kinsa ig-agaw ni Staff Sgt. Pulalon, nga na-divert sa Zamboanga ang flight sa eroplano kon asa gisakay ang patayng lawas sa maong sundalo.
Kahibaluan nga si Staff Sgt. PUlalo kinsa miembro sa 11th Scout Ranger Company ang namatay sa pakig-gyera sa Maute sa Marawi City.
Alas siete sa buntag gilauman nga mahidangat sa GenSan international airport ang patayng lawas niini.
Gani, gilauman ang paghatag og military honor sa nasampit una ilubong sa Purok Maguindanao, Brgy. Labangal subay sa tinuohang Islam.
NAsayran nga naa ning higayuna ang inahan ni Staf Sgt. Pulalon sa GenSan Airport kauban ang mag-inahan niini pati ang mga kabanay og silingan sa Prk. Kulasi Labangal aron sugaton ang patayng lawas niini.
Una nang gibutyag ni Septihana Pulalon, 79 an yos nga dawat na nila ang nadangatan sa iyang anak.
Sa report, gibutyag nga naigo matud pa sa sniper si Staff Sgt. Pulanon niadtong Dominggo apan nakabsan sa kinabuhi sa Northern Mindanao Medical Center.
Si Staff Sgt. Pulanon ang ikatulong sundalo na nga taga GenSan nga namnatay sa pakig-engkwentro sa Maute terrorist sa Marawi City.
