GENERAL SANTOS CITY – Nagpadayag og managlahing opinyon ang mga opisyal sa lokal nga panggamhanan sa dakbayan kalabot sa Martial Law extension sa tibuok Mindanao.
Matud ni Kag. Lourdes Casabuena, dili siya uyon sa gustong mahitabo ni Pangulong Duterte nga lugwayan ang balaud militar.
Gipaboran lamang niya ang martial law declaration dihang gibutyag nga mulungtad lang sa duha ka bulan aron masumpo ang krisis sa Marawi City.
Nagtuo si Kag. Beth Bagonoc, dili na kinahanglan ang Martial Law extension kon hapit man lang mahuman ang kagubot sa Marawi.
Samtang gibutyag ni Kag. Ramon Milleza, kon adunay klaro og bug-at nga basihan, pabor siya nga -extend ang martial law.
Ang rekomendasyon sa AFP og Department of National Defense ang mahinongdanon aron makakab-ot ug hustong desisyon sa maong isyu.
Kon si Atty. Rosendo Roque ang pasultihon, husto lamang nga lugwayan ang Martial Law aron mahuman ang mga kagubot og kasamok sa Mindanao.
Nasayran nga gihangyo ni Pangulong Rodrigo sa Kongreso nga lugwayan sa lima ka bulan o hangtud sa Disyembre, 2017 ang pagpatuman sa Martial Law sa Mindanao.
