GENERAL SANTOS CITY – Daghan pa ang anaa sa listahan sa mga drug suspek nga gipangitaan ug paagi nga masikop sa Philippine Drug Enforcement Agency 12 kon PDEA.
Kini ang giangkon ni Kat Abad ang tigpamaba sa naasoy nga buhatan.
Gani sa maong talaan adunay mga sakop sa media ang naa niini apan wala na gibutyag kung si kinsa ang mga nahisgutan.
Gani nasikop na ang usa niini miaging gabii sa usa ka lodging house sa Lagao ning dakbayan ug nasundan pa sa pagdakop sa gikuhaan matud pa sa ginabaligya nga druga.
Kahinumduman nga nagsunod nga gidakop sa taga PDEA silang Richard Basilio 42 anyos nga taga Block 4 Dadiangas Heights ug duha ka oras lamang gisunod usab pagkasikop ang nagpangalan ug Tommy Pabilona 42 anyos tag-iya ug printing press sa Purok Veterans Calumpang ning dakbayan.
Silang Basilio ug Pabilona ang bacthmate sa elementarya sa usa ka tulunghaan dinhi sa dakbayan.
Pulos nakuhaan silang Basilio ug Pabilona ug tig usa ka sachet sa gidili nga druga hinungdan nga gipasaka pinaagi sa inquest proceedings ang pagsupak sa section 5 kon pagbaligya ug druga sa Comprehensive dangerous drugs act of 2002.
