GENERAL SANTOS CITY –Gipasaka na nilang Police Chief Instr. Henarez sa City Intelligience Branch ang kaso nga Illegal Possesion of Firearms and Ammunitions batuk sa municipal Administrator sa Palembang Sultan Kudarat nga si Fatima Sahara ug bana niini nga si Misuari Matabalao nga mga residente sa Doña Soledad Barangay Labangal ning dakbayan.
Matud ni Police Sr. Instr Robert Forez sa makar Police station nga silang Chief Instr Henarez ang mipasaka sa kaso human makuha ang caliber 380 pistol, 9 mm ug caliber 45 lakip ang mga bala ug mga magazine sa M16 sa gipahigayon nga raid miaging adlaw.
Matud ni Forez nga ilang gihulat nga makapresenta ug papeles sa mga pusil ang municipal administrator apan wala kini mitungha sa ilang rpesento.
Nasayran nga dungan sa gipahigayon nga raid sa panimalay sa mag-asawa dinhi sa syudad laing raid usab ang gihimo didto sa Palembang sa panimaolay gihapon sa administrador ug nakuha ang lima ka matang sa pusil ug kini ang Ak 47 assault riofle, caliber 45 pistol ug lain pang mga kalibre sa armas sa ilang sakyanan ug panimalay.
Hinuon nakapiyansa na matud pa ang mag-asawa sa nahisgutang kaso nga gipasang-at didto sa Isulan Sultan Kudarat.
