GENERAL SANTOS CITY -Nalambigit sa narco terrorism ang Ansar al Khilafa Philippines.
Kini ang gibutyag ni PDEA 12 Director Gil Castro kon asa sumala sa nasampit, dili lang nalambigit sa kasamok og terroristic activity ang maong grupo kun dili lakip na sa iligal nga droga.
Matud pa ni Director Castro, gigamit sa maong terror group sa pagpahigayon og terorismo sa rehiyon sa Mindanao ang mga salapi nga nakuha nila sa mga transaksyon sa iligal nga droga.
Sa pahayag pa niini, mandato ni Pangulong Rodrigo Duterte nga masumpo ang tanang narco-terrorist group sa Mindanao lakip ang terror group sama sa AKP. Ang maong grupo ang kabahin sa drug group nga ga-operate sa Sarangani ug Bukidnon..
Hinungdan sumala ni Dir. Castro, dako matud pang kawad-on sa grupo ug sa ilang drug operations ang pagkaaresto kay Morsalen Mashod, 54-anyos, nga taga Barangay Kanalo, Maasim, Sarangani, kinsa miyembro sa AKP.
